Sam keil 47:3-9

³Kei sakin ir rolohlin meatin sav keil, kei ling kantri sav keil amul en her.

⁴Atan koa romul ien, kei rie lati hehi orer, ka me-Isrel keil koa kei en vat keil, asi keil veni.

⁵Ahi vina nesa en vulin ten keihoen onen, Iahova vina nesa ral min makulien ten sien ka verien ten hon keil.

⁶!Mihesau masmas Ahi! !Mihehati lat isen asuv houlu orer!

⁷Ahi vi asuv houlu ten out vasi netan, tahos rehou lati hetal min souen keil.

⁸Ahi mul rondan en vulin ten keihoen onen koa votut, kantri keil ten out netan amul en hen.

⁹Hetetamen keil ten kantri vasi keil umai en out tas ral min meatin keil onen Ahi koa Ebraham va netan mini. Keihoen onen Ahi lohlin keihoen onen meatin tavaeen keil onen kantri vasi keil, kei mul losil kat out vasi.