36Lia semo estos eterna, Kaj lia trono estos kiel la suno antaŭ Mi.
37Kiel la luno, ĝi staros eterne, Kaj kiel la atestulo en la ĉielo ĝi estos fidinda. Sela.
38Sed nun Vi forpuŝis kaj malestimis, Vi koleris Vian sanktoleiton.
39Vi disigis la interligon kun Via sklavo, Ĵetis sur la teron lian kronon.
40Vi detruis ĉiujn liajn barilojn, Ruinigis liajn fortikaĵojn.
41Prirabas lin ĉiuj pasantoj; Li fariĝis mokataĵo por siaj najbaroj.
42Vi altigis la dekstran manon de liaj malamikoj, Vi ĝojigis ĉiujn liajn kontraŭulojn.
Psalmaro 89
Psalmaro 89:36-42