Psalmaro 37:13-19

¹³Sed mia Sinjoro ridas pri li; Ĉar Li vidas, ke venas lia tago.

¹⁴Glavon nudigas la malvirtuloj kaj streĉas sian pafarkon, Por faligi mizerulon kaj malriĉulon kaj buĉi virtulon.

¹⁵Ilia glavo trafos en ilian koron, Kaj iliaj pafarkoj rompiĝos.

¹⁶Pli bona estas la malmulto, kiun havas virtulo, Ol la granda havo de multaj malpiuloj.

¹⁷Ĉar la brakoj de malpiuloj rompiĝas; Sed la virtulojn la Eternulo subtenas.

¹⁸La Eternulo scias la tagojn de la virtuloj; Kaj ilia havo restos eterne.

¹⁹Ili ne estos hontigitaj en tempo malbona, Kaj en tagoj de malsato ili estos sataj.