Proverbs 24:25-31

²⁵Ma pi tapuf oloboch ni yad ma gechignag e en nib kireb, e ra fel’ rograd me fel’ bugwarad.

²⁶Ba fulweg nib yul’yul’ e pow ko bin riyul’ e fager.

²⁷Dab mu toy e naun rom ngam sunmiy reb e tabnaw nge mada’ ko ngiyal’ ni ka mu fal’eg rogon yung i flang rom, nike pagan’um nrayag ni ngam par rom.

²⁸Dab mu micheg ban’en nib togopluw ngak be’ ni dariy tapgin, ara mog ban’en ni de riyul’ u murung’agen.

²⁹Dab mu ga’ar, “Bay gu rin’ ngak ni bod nike rin’ ngog! Rug ra sulweg taban ngak!”

³⁰Gu wan u daken fa yung i flang nge milay’ ko grape rok be’ nib gamead ma ba pinat.

³¹Ma ke sug ko pan ni bay e rchangal riy ma ke mathrow ko pan. Ma yoror riy ni malang e ke puth nga but’.