Dad Fngewe 24:25-31

²⁵Kabay i to mukum, ku nukuman i to gamsalà na faflayaman i toani, nun gufyen na dnayen kenen i dad to.

²⁶I to tmimel i too glut timel, én ilè i to ani too fye deme sgalak.

²⁷Funam fatlagad i nligom, du fye gadeam nun gumweam, kafnge én fdakam gumneam.

²⁸Nang ge tmulen gablà di demem to di gususay ku landè duenan, na nang ge tmulen ise glut gablà di kenen.

²⁹Na nangam man, “E, malas agu i sasè nimoan dideg.”

³⁰Glius agu di satu nligo nfun i to malwe mimò na là fulung faldam.

³¹Na di klamang nligon tatmabò dad bnas nun sual, na salnok i dad dademe sabat, na tamalbà i labatan batu.