Numero 12:3-9

³Jũma naʌ̃ ẽjũãne Moisera dji dromaara b̶ai crĩchara neẽ́ b̶asia.)

⁴Ara maʌ̃da Ãcõrẽba Moisea, Aaroʌ̃a, Mariaa bid̶a jarasia: –Bãrã ũbea mʌ̃ wua demaa zed̶adua.– Ara maʌ̃da wãsid̶aa.

⁵Maʌ̃ne Ãcõrẽra jʌ̃rãrã ʌ̃tʌba ed̶aa drasoa jira b̶ʌd̶e ed̶aa zesia idji wua ded̶e ed̶a wãbadamaa. Mama Aaroʌ̃ra Maria sid̶a caitaara trʌ̃sia. Ara maʌ̃da caitaara wãsid̶aa.

⁶Maʌ̃be Ãcõrẽba ãdjía jarasia: –Mʌ̃a jarabʌrʌda bio ũrĩnadua. Mʌ̃neba bed̶eabadarã bãrã tãẽna b̶ea ume mʌ̃ra cãĩmocarad̶eba idjab̶a cãĩmocara quĩrãca ne unubi b̶ʌd̶eba bed̶eabaria.

⁷Baribʌrʌ mʌ̃ nezoca Moise ume mãwã bed̶eacaa. Jũma mʌ̃ ẽberãrã cãyãbara idjiabʌrʌ mʌ̃ra biara ĩjã b̶ʌa.

⁸Idji ume mʌ̃ra nẽbʌrʌbaria. Ne jara b̶ʌd̶eba idji ume bed̶eacaa. Ãtebʌrʌ ebud̶a jarabaria. Idjia mʌ̃ra unubaria. Mãwã b̶ʌ bẽrã ¿bãrãba cãrẽ cãrẽã wayad̶aẽ́ basi mʌ̃ nezoca Moisera biẽ́ jarad̶i carea?–

⁹Ãcõrẽra ãdji ume bio quĩrũped̶a wãsia.