NUMERA 12:3-9

³Hari Mose na tanobada taudia iboudiai bogaragidiai ia mo sibona manau herea.

⁴A Iehova ese Mose bona Aaron bona Miriama e hereva henidia taku, eto, Umui tatoiosi a raka lasi, hebou kalagana baoma. Bena tatoiosi ela.

⁵Bena Iehova na ori dubuna ai e diho, hebou kalagana vairanai e gini, Aaron bona Miriama e boiridia, bena raruosi e raka henia kahi.

⁶Ia eto, Egu hereva a kamonai: daika umui bogaragimui ai be peroveta tauna, lau ese mata-hanai ai baina hahedinarai henia bona nihi ai baina hereva henia.

⁷A egu hesiai tauna Mose na dia unuheto; ia na egu bese ireḡuna tauna.

⁸Ia ida baia hereva-hereva hedinarai, lau udugu amo, ia uduna amo; basia hereva hehuni. Iehova oromana danu ia ese matana amo baine itaia. Edeheto umui raruosi na egu hesiai tauna Mose imaumauraina asio garimu?

⁹Iehova ena badu e siahu ḡaraḡara unu raruosi ediai, bena ia ese e rakatanidia.