NÚMEROS 12:3-9

³Melahuac Moisés eliyaya se tacat cati achi más moicnonequiyaya huan amo quej nochi sequinoc masehualme ipan taltipacti.

⁴Huajca nimantzi TOTECO quiilhui Moisés, Aarón huan María: “Xiyaca amojuanti aneyi campa nopa yoyon tiopamit campa timopantíaj.” Huan nochi eyi yajque campa nopa yoyon tiopamit.

⁵Huajca TOTECO temoc ipan nopa mixti huan moquetzqui campa nopa caltemit cati calaqui ipan nopa yoyon tiopamit. Huan quinnotzqui Aarón ihuaya María huan quema monechcahuijque,

⁶TOTECO quinilhui: “Xijtacaquilica ni tamanti cati nimechilhuis: Quema nimechtitanilía se tajtolpanextijquet para itztos amohuaya, na niamoTECO, nimonextía ica ya ipan se temicti o nimocamanalhuía ihuaya ipan se tanescayot.

⁷Pero amo quej nopa nijcamanalhuía ni notequipanojca Moisés. Yaya cati achi más temachti techneltoca que nochi sequinoc notequipanojcahua.

⁸Huan quema nicamanalti ihuaya Moisés, timoixtachilijtoque huan nicamanalti ica se camanali cati amo ohui huan cati nimantzi quimachilía. Huan yaya quiita noxayac huan quenicatza na niitztoc. Huajca ¿para ten anquiejelnamiquij notequipanojca Moisés?”

⁹Huan TOTECO nelía cualanqui miyac inihuaya huan quisqui.