Text copied!
CopyCompare
Buka Helaga - NUMERA - NUMERA 26

NUMERA 26:3-60

Help us?
Click on verse(s) to share them!
3Vadaeni Moaba ena tano palaka gabuna dekenai, Ioridane Sinavai ena badibadinai, Ieriko kahirakahira, Mose bona hahelagaia tauna Eleasara ese taunimanima idia hamaoroa, idia gwau,
4“Edia mauri lagani 20, bona 20 idia hanaia tatau ibounai do umui duahia, Lohiabada ese Mose ia oda henia hegeregerena.” Israela taudia, Aigupito dekena amo idia raka mai taudia be inai:
5Rubena be Iakobo ena natuna vara guna. Rubena ena natuna be Hanoka, Hanoka iduhu ia havaraia tauna, bona Palu, Palu iduhu ia havaraia tauna,
6bona Hesarona, Hesarona iduhu ia havaraia tauna, bona Karami, Karami iduhu ia havaraia tauna.
7Rubena ena natuna edia iduhu ibounai be unai, bona edia tatau ibounai be 43,730.
8Palu ena natuna ta be Eliaba.
9Eliaba ena natuna be Nemuele bona Datana bona Abirama. Inai Datana bona Abirama be Israela taudia orea ta ese idia abia hidi, vadaeni idia ruaosi bona Kora ese Mose bona Arona idia heai henia, bona idia ese danu Lohiabada idia heai henia.
10Ela bona tano ese iena uduna ia kehoa, bona idia ia hadonoa ore, idia bona Kora, bona Kora ena orea taudia, vadaeni idia ibounai idia mase. Unai neganai danu, lahi ese taunimanima 250 ia gabua mase. Inai be sisiba, bona matakani gauna, Israela taudia edia latanai.
11To Kora ena natuna tau be idia mase lasi.
12Simeona ena natuna, bona edia iduhu be inai: Nemuele, Nemuele iduhu ia havaraia tauna, bona Iamina, Iamina iduhu ia havaraia tauna, bona Iakini, Iakini iduhu ia havaraia tauna.
13Bona Sera, Sera iduhu ia havaraia tauna, bona Saulo, Saulo iduhu ia havaraia tauna.
14Simeona ena natuna edia iduhu ibounai be unai, bona edia tatau ibounai be 22,200.
15Gado ena natuna, bona edia iduhu be inai: Sepona, Sepona iduhu ia havaraia tauna, bona Hagi, Hagi iduhu ia havaraia tauna, bona Suni, Suni iduhu ia havaraia tauna.
16Bona Osini, Osini iduhu ia havaraia tauna, bona Eri, Eri iduhu ia havaraia tauna, bona Aroda, Aroda iduhu ia havaraia tauna,
17bona Areli, Areli iduhu ia havaraia tauna.
18Gado ena natuna edia iduhu ibounai be unai, bona edia tatau ibounai be 40,500.
19Iuda ena natuna rua, Ere bona Onana, be Kanana dekenai idia mase.
20Iuda ena natuna, bona edia iduhu be inai: Sela, Sela iduhu ia havaraia tauna, bona Perese, Perese iduhu ia havaraia tauna, bona Sera, Sera iduhu ia havaraia tauna.
21Perese ena natuna be Hesarona, Hesarona iduhu ia havaraia tauna, bona Hamulu, Hamulu iduhu ia havaraia tauna.
22Iuda ena natuna edia iduhu ibounai be unai, bona edia tatau ibounai be 76,500.
23Isakara ena natuna bona edia iduhu be inai: Tola, Tola iduhu ia havaraia tauna, bona Puva, Punu iduhu ia havaraia tauna,
24bona Iasubu, Iasubu iduhu ia havaraia tauna, bona Simarona, Simarona iduhu ia havaraia tauna.
25Isakara ena natuna edia iduhu ibounai be unai, bona edia tatau ibounai be 64,300.
26Sebuluno ena natuna bona edia iduhu be inai: Sereda, Sereda iduhu ia havaraia tauna, bona Elono, Elono iduhu ia havaraia tauna, bona Ialila, Ialila iduhu ia havaraia tauna.
27Sebuluno ena natuna edia iduhu ibounai be unai, bona edia tatau ibounai be 60,500.
28Iosepa ena natuna bona edia iduhu be inai: Manase bona Eparaima.
29Manase ena natuna be inai: Makiri, Makiri iduhu ia havaraia tauna, bona Gileada Makiri, Gileada iduhu ia havaraia tauna.
30Gileada ena natuna be inai: Iesere, Iesere iduhu ia havaraia tauna, bona Heleke, Heleke iduhu ia havaraia tauna,
31bona Asariele, Asariele iduhu ia havaraia tauna, bona Sekema, Sekema iduhu ia havaraia tauna,
32bona Semida, Semida iduhu ia havaraia tauna, bona Hepere, Hepere iduhu ia havaraia tauna.
33Selopehada Hepere be natuna tau ta lasi, hahine sibona. Selopehada ena natuna hahine edia ladana be Mahala bona Noa bona Hogila bona Milika bona Tirisa.
34Manase ena natuna edia iduhu ibounai be unai, bona edia tatau ibounai be 52,700.
35Eparaima ena natuna bona edia iduhu be inai: Sutela, Sutela iduhu ia havaraia tauna, bona Bekere, Bekere iduhu ia havaraia tauna, bona Tahana, Tahana iduhu ia havaraia tauna.
36Sutela ena natuna be Erana, Erana ena iduhu ia havaraia tauna.
37Eparaima ena natuna edia iduhu ibounai be unai, bona edia tatau ibounai be 32,500. Unai be Iosepa dekena amo idia vara iduhu taudia.
38Beniamina ena natuna bona edia iduhu be inai: Bela, Bela iduhu ia havaraia tauna, bona Asabela, Asabela iduhu ia havaraia tauna, bona Ahirama, Ahirama iduhu ia havaraia tauna.
39Bona Sepupama, Sepupama iduhu ia havaraia tauna, bona Hupama, Hupama iduhu ia havaraia tauna.
40Bela ena natuna be Arada bona Namana. Arada be Arada iduhu ia havaraia, bona Namana ese Namana iduhu ia havaraia.
41Beniamina ena natuna edia iduhu ibounai be unai, bona edia tatau ibounai be 45,600.
42Dano ena natuna be Suhama, Suhama iduhu ia havaraia tauna. Dano ena natuna ena iduhu be unai.
43Bona inai iduhu Suhama ena tatau ibounai be 64,400.
44Asere ena natuna bona edia iduhu be inai: Imina, Imina iduhu ia havaraia tauna, bona Isivi, Isivi ena iduhu ia havaraia tauna, bona Beria, Beria ena iduhu ia havaraia tauna.
45Beria ena natuna be inai: Hebere, Hebere iduhu ia havaraia tauna, bona Malakiela, Malakiela iduhu ia havaraia tauna.
46Asere ena natuna hahine ena ladana be Sera.
47Asere ena natuna edia iduhu ibounai be unai, bona edia tatau ibounai be 53,400.
48Napatali ena natuna bona edia iduhu be inai: Iasila, Iasila ena iduhu ia havaraia tauna, bona Guni, Guni iduhu ia havaraia tauna,
49bona Iesa, Iesa iduhu ia havaraia tauna, bona Silema, Silema iduhu ia havaraia tauna.
50Napatali ena natuna edia iduhu ibounai be unai, bona edia tatau ibounai be 45,400.
51Israela tatau ibounai be 601,730.
52Lohiabada ese Mose ia hamaoroa, ia gwau,
53“Tano be inai iduhu edia huanai do oi haria, edia ladana, bona edia taunimanima hida hegeregerena do oi haria.
54Iduhu badana dekenai be tano badana do oi henia, to iduhu maragina dekenai tano maragina do oi henia. Iduhu ta ta edia tano ena bada be edia taunimanima hida hegeregerena.
55To laki dalana dekenai danu iduhu ta ta edia tano do oi haria, edia tamana edia iduhu ladana dekena amo do oi henia.
56Edena tano iduhu badadia do idia abia, be laki dekena amo do oi gwauraia. Ma iduhu maragidia danu be laki dekena amo edia tano ta ta danu do oi gwauraia.”
57Levi taudia danu edia iduhu ta ta dekena amo idia duahia. Geresone ese Geresone iduhu ia havaraia, Kohata ese Kohata iduhu ia havaraia, bona Merari ese Merari iduhu ia havaraia.
58Levi edia iduhu maragidia be inai: Libini, bona Heberona bona Mali bona Musi bona Kora. Kohata be Amarama ena tamana.
59Amarama ena adavana ena ladana be Iokebedi, Levi ena natuna hahine, Aigupito dekenai ia vara. Iokebedi ese Amarama dekena amo ia havaraia natuna be Arona bona Mose, bona edia taihuna Miriama.
60Arona ena natuna be Nadaba bona Abihu bona Eleasara bona Itamara.

Read NUMERA 26NUMERA 26
Compare NUMERA 26:3-60NUMERA 26:3-60