Numbers 22:36-41

³⁶Fa’ani rung’ag Balak ni be yib Balaam, me yan i mada’nag nga Ar, nib binaw u charen e Lul’ ni Arnon ni bay ko mathil u Moab.

³⁷Me ga’ar Balak, “Fa’an gu pi’ e thin nge yib ngom ni ngamub, ma mangfan nda mub? Mog, mu leamnag ndabiyag ni gu pi’ puluwon ngom ni bfel’?”

³⁸Me ga’ar Balaam, “Ku gub, machane dariy gelngig ni nggog ban’en. Kemus ni thin ni bayi tay Got nga l’ugunag e ir e bay gog.”

³⁹Me un Balaam ngak Balak ngranow ko fare binaw nu Huzoth.

⁴⁰Me li’ Balak e garbaw nge saf me pi’ boch e ufin riy ngak Balaam nge pi tolang ni yad be un ngak.

⁴¹Me kadbul me fek Balak Balaam ngranow nga bang nib tolang u Bamoth Baal. Yu rom e ra changar Balaam riy me guy boch piyu Israel.