Maliku 6:22-55

²²Ndipo mwana wacikazi wa Herodiasi adapita, aciyamba kubzina.herodi na wakucemeredwa wale adakomedwa Kwene-kwene nakubzina kule. Pamwepo mambo adauza mtsikana ule kuti, “Undikumbire ciri-centse comwe un'funa, ine ninkupasa.”

²³Na tenepo adalumbira aciti, “Ciri-centse comwe undikumbira, ninkupasa, ngakhale cipande ca umambo bwangu.”

²⁴Mtsikanayo adacoka acikabvundza mai wace kuti, “Kodi ndikakumbire ciyani?” Mai wace adati “Kakumbire msolo wa Juwau M'batizi.”

²⁵Ndipo Mtsikana ule adabwerera mwa kankulumize kwa mambo acimuuza kuti, “nifuna kuti tsapanopa mundipase msolo wa Juwau M'batizi mphande!”

²⁶Na tenepo mambo Herodi adabva ntsisi kwene-kwene. Tsono thangwe ra kulumbira komwe akhadacita patsogolo pa wakucemeredwa, mambo akhafuna lini kupfudza cipangano comwe adacita na mtsikana ule.

²⁷mwakamkulumize adatuma m'bodzi wa acikunda wace, kuti abwerese msolo wa Juwau. ncikunda ule adayenda ku kaidi,acikagwata msolo wa Juwau.

²⁸Adauikha mphande acidzaupereka kwa mtsikana ule, mtsikanayo nkhukauperekambo kwa mai wace.

²⁹Wakupfundzira wa Juwau pomwe adabva bzimwebzo, adabwera acidzatenga nkhawa ire acikapendesa mucigwindza kuthenje.

³⁰Atumiki adabwerera kwa Jezu acimufotokozera bzentse bzomwe adacita na kupfundzisidwa.

³¹Jezu adawauza kuti “Mbatiyendeni kumbuto imbapita lini wanthu, kuti mukapume pang'ono.” Adalewa terepo thangwe wanthu akhali nyalu-nyalu, nakuti iwo akhalibe phata wa kuti angada'kwanisa kudya

³²cadidi iwo adapita mmwadiya acienda okha kumbuto komwe kukhalibe wanthu

³³Tsono wanthu azinji adawaona pakucoka, aciwazindikira. Na tenepo adathamanga na n'gambo ire kucokera ku mizinda yentse, acitoma kufika, Jezu na wakupfundzira wace wale akhanati kufika.

³⁴Pamwe Jezu adacoka mmwadiya, adaona mthithi ukulu wa wanthu. Adawabvera ntsisi, thangwe wakhali ninga mabira yakusaya makabusa, na tenepo adayamba kuwapfundzisa bzizinji.

³⁵Nthawe ya kumaulo wakupfundzira wace adadzamuuza kuti, “Kuno nkhuthengo, ndipo kwadoka

³⁶Auzeni wanthuwa wayende,wakadye m'mii yomwe iri pafupiyi kuti akagule cakudya.”

³⁷Tsono Jezu adawauza kuti, “Imwepo apaseni cakudya.” Iwo adati, “tsono kuti wakwane wathuwa, pafunika kuti tikagule mkate wa kobiri za parata zikwanira madzana mawiri kuti tidzawadyese wentsewa!”

³⁸Na tenepo Jezu adawabvundza kuti, “Muna mikate mingasi? Ndokoni mukaone.” Adayenda kukaona ndipo adati, “Iripo mikate mixanu na ntsomba ziwiri.”

³⁹Ndipo Jezu adawawuza kuti, wentse wakhale pantsi kabugwe-kabugwe pakapinga.

⁴⁰Cadidi wanthu wale wadakhala pantsi,bungwe linango wanthu dzana, linango wanthu makumi maxanu.

⁴¹Jezu adatenga mikate mixanu ire na ntsomba ziwiri zire, aciyang'ana kudzulu, acitenda Mulungu. Tsapano adayamba kugwata-gwata mikate ire,na ntsomba ziwiri acinjedza-njedza acipereka kwa wakupfundzira wace kuti wagawire wanthu wale.

⁴²Wanthu wentse adadya mpaka kukhuta.

⁴³Pambuyo pace wakupfundzira wale,wadatewnga mikate yakusala na ntsomba zire acidzaza madengu khumi na mawiri.

⁴⁴wanthu omwe adadya mikate ire kuwerenga amuna okha akhakwana bzulu bzixanu.

⁴⁵Watandomala, Jezu adawauza wakupfundzira wace kuti wapite mmwadiya, watsogole kuyenda n'gambuire ya Betsaida,Iye akhamba ngonekambo nthiti ule wa wanthu kuti wayende kwawo.

⁴⁶pomwe adagonekana nawo, adakwira ku phiri kukapemphera.

⁴⁷pomwe kukhayamba kudoka,mwadiya ule ukhali pakati nakati ya nyadza, Jezu akhali yekha kunja.

⁴⁸Ndipo adaona wakupfundzira wale akhacapa mwakuneseka, thangwe akhayenda kukhacokera condzi.yomweyo ikhali nthawe ya Madandakweca, Jezu adafamba padzulu pa madzi aciyenda kuna iwo acicita ninga an'funa kuwapitirira.

⁴⁹Tsono wakupfundzira wale, pakumuwona acifamba padzulu pa madzi, adakumbuka kuti nciphoko, adayamba kukuwa,

⁵⁰nakuti wentse pakumuona wadakhala na mantha. Tsono nthawe yomweyo Jezu adawauza kuti, “limbikani mtima ndine, lekani kugopa.”

⁵¹Pamwepo iye adapita mmwadiya momwe iwo akhali,ndipo codzi cidaleka. Iwo adamalidwa ndzeru

⁵²thangwe alibe kubvesesa bwino bza kutupisidwa kwa mikate ire.thangwe akhalibe nabzo thupo.

⁵³Jezu na wakupfundzira wace adayambuka gombe, acifika ku Genesalee, acitsamisa mwadiya pagombe.

⁵⁴Pomwe iwo adandocoka mmwadiya, mbumba idamuzindikira Jezu.

⁵⁵wadathamangira ku mbuto zentse za mbali ire, aciyamba kumbabwera na wanthu wakuduwala pa macira, kumbuto komwe akhabva kuti Jezu ali uku.