Maki 7:13-27

¹³Tamagri tami tmavu tmava'za rempima huzamiza'zamo Anumzamofo ke'mofo hanavea eri netreta, rama'a ama anahu'zana nehaze.

¹⁴Maka veaku Jisasi'a ke hige'za ageno anage huno zamasmi'ne, tamagra nanekeni'a nentahita antahi ama hiho.

¹⁵Magore huno fegiatima vahemofo agu'afima ufresiazamo'a, azeri pehena osugahie. Hianagi vahe'mofo agu'afinti atiramino esiazamo, azeri pehena hugahie.

¹⁶Kagesa antahinamoka antahio.

¹⁷Anage huteno, ana vahe zamatreno Jisasi'a nompi mrenerige'za, amage'ma nentaza disaipol naga'mo'za, ana fronka ke'mofo agafa'agu antahige'naze.

¹⁸Jisasi'a anage huno zmasami'ne, tamagrira knare antahizana omane'nefi? Tamagra antahi amara nosazo, nankanzamo'ma fegiatima vahe'mofo agu'afinka ufrezamo'a, vahe'mofona zmazeri pehena nosie.

¹⁹Na'ankure anazamo'a tumopina novie. Hanki rimpafi uramiteno, anantetira rifa kerifi nevie. (Jisasima anagema hu'nea kemo'a, mafka ne'zamo'a agru hu'ne.)

²⁰Jisasi'a anage huno zmasamine, vahe'mofo zmaguafinti atiramiazamo, zmazeri pehena nehie.

²¹Vahe'mofo agu'afintima efore'ma nehiana, havi agu'agesa antahizane, monko avu'ava'zane, kumzafa se'zane, vahe ahe frizana ne-e,

²²arave hu'nea a'ene vene monko avu'ava hu'zane, agraguke antahizane, havi avu'ava'ene, vahe'mofo krunage hunte'zane, vahe'mofo kumipi avrente avu'avazane, vahe'mofo zanku kenunu hu'zama, knare vahe'mofo havige hunte'zane, neginagi avu'ava hu'zane, avufga eriantesga hu'zane,

²³ana mafkazana vahe'mofo agu'afinti atiramiazamo vahera azeri pehena nehie.

²⁴Jisasi'a otino ana mopa atreno Taia kuma kaziga vu'ne. Vuno mago nompi ufreno, vahe'mo'za emenine huza ontahisaze nehuno umanine, hianagi frakigara osu'ne.

²⁵Ana hianagi mago mofara havi avamumo agu'afi fre'nea mofa'mofo nerera'a Jisasi'ma emani'nea ke nentahino, ame huno eno agafi eme prihuno,

²⁶ana ara Sairofonesia kuma Griki megi'a vahepinti a'kino, Jisasinku muse hugantoanki havi avamura ome hunto huno asami'ne.

²⁷Jisasi'a anage huno ana aku hu'ne, mofavremofo bretima erita kramofo amizamo'a knarera osu'neanki, atregeno mofavremo kotazana nemu huteno.