Maka 8:6-26

⁶lanwani O den cedi ke bi kali, ke O taa bi dupee leledi bi yeni, ki pagi Utienu ki cabidi cadidi, ki teni bi ŋoadikaaba ke bi boagidi ku niligu.

⁷bi go den pia janbimu waamu, lani Jesu go den pagi Utienu ki go teni ke bi boagidiba.

⁸bi den dini ki guo, ki go den sieni a dupee jena baabola lelee.

⁹bi den nagini niba tuda na. li ya puoli, Jesu den cabi ba.

¹⁰laayogunu, O den koa ku ñinbiagu nni leni O ŋoadikaaba ki gedi dalmaty jaali po.

¹¹falisieninba den cua O kani, ki cili mi maama leni O, ki boali ki biigi O. bi den mia ke wan tieni bipo sinankeene yua n ñani tanpoli.

¹²Jesu den fuo ki jiini ki yedi. be n teni ke moala nne niba lingi sinankeene?

¹³Imoamoani n yedi yi, bi kan ba sinankeene kuli. lani yaa puoli; O den ñani bi kani, ki kua ku ñinbiagu nni ki kandi ki gedi na po ya bonjaali.

¹⁴bi ŋoadikaaba den sundi kaa taa dupee, bi den kubi yendo baba yo.

¹⁵Jesu den teni ba, yaa ñoabonli n te ne. fangi mani i yula leni falisieninba, leni helodo daliali.

¹⁶bi ŋoadikaaba den maadi bi siiga ki tua, kelima tii pia dupee yo dee.

¹⁷Jesu den bandi, ki yedi ba, be ya po yo i tua, tii pia dupe? ii daa pia ya yanfuoma ba fidi ki gaa yo bi? bi i pala n joagi?

¹⁸i pia i nuni, ii nua yo? i pia a tuba, ii gba yo? ii pia tiadima yo?

¹⁹min den cabidi cabidi bi dupe muudiba, niba tudamu po yeni, i den tugi dupe jena babola ŋa yo? bi den yedi: piiga liee!

²⁰Min den cabidi cabidi bi dupe leleediba niba tuda na po yeni, i den tugi babola ŋa yo? bi den yedi: a lelee!

²¹O den yedi ba hali moala ii gaa?

²²bi den gedi betesada, ke bi cuani o joamo, Jesu kani, ki mia O ke wan si o,

²³Jesu den muubi o buagu ki dadi ki ñano u dogu nni, ki tieni o nunii po ti ñinsandi, ki maani O nii o po, ki buali, o ya nua bonla baa?

²⁴o den nuali, ki yedi, n nua bi niba, ke bi nani nani i tiidi yeni ki cuona.

²⁵Jesu go den maani O nii o nuni po, lani, joamo yeni den nuaadi.

²⁶lanwani, Jesu den yedi o, kuni a denpo, ŋa n da kua u dogu nni ka.