مَرَكِ 8:6-26

⁶عِسَ نَشَ عَ قَلَ حَمَ بّ عٍ شَ دْشْ بْشِ. عَ نَشَ نَ تَامِ فُندِ سٌلٌقٍرٍ تٌنفٌ، عَ عَلَ نُوَلِ سَ. عَ تٌ عٍ عِفِرَ، عَ نَشَ عٍ سٌ عَ قْشِرَبِرّيٍ يِ رَ، عٍ شَ عٍ عِتَشُن حَمَ مَ. عٍ قَن نَشَ عَ رَبَ نَ كِ.

⁷يّشّ لَنمَ ندٍيٍ قَن نُ نَ عٍ يِ رَ. عِسَ تٌ عَلَ نُوَلِ سَ عٍ شَ قٍ رَ، عَ نَشَ عَ قَلَ، عَ عٍ قَن شَ عِتَشُن.

⁸حَمَ نَشَ عَ دّفٍ هَن عٍ وَ سَ. دٌنسٍ دْنشْي قَن نَشَ مَتٌنفٌ هَن دٍبٍ سٌلٌقٍرٍ نَشَ رَقٍ.

⁹مِشِ وُلُ نَانِ حْندْن نَن نُ نَ نَا. عِسَ تٌ عٍ رَفبِلٍن،

¹⁰عَ نَشَ تٍ كُنكُي كُي كٍرٍن نَ، عٍ نُن عَ قْشِرَبِرّيٍ نَشَ سِفَ دَلَمَنُتَ بْشِ مَ.

¹¹قَرِ سّنِيٍ نَشَ قَ، عٍ نُن عِسَ نَشَ وْيّن قْلْ. عٍ تٌ نُ وَ مَ عَ مَتٌقٍ، عٍ نَشَ عَ مَشْرِن عَ شَ تْنشُمَ مَكَابَشِ ندٍ مَسٍن عٍ بّ كٍلِقٍ كٌورٍ مَ.

¹²نَ نَشَ عِسَ بْحّ تْورْ كِ قَنيِ. عَ نَشَ عَ مَسٍن، «مُنقٍ رَ يِ وَشَتِ مِشِيٍ ﭑ مَشْرِنمَ تْنشُمَ مَكَابَشِ مَ؟ ﭑ شَ نْندِ قَلَ وٌ بّ، تْنشُمَ يٌ مُ قِمَ يِ وَشَتِ مِشِيٍ مَ.»

¹³نَ شَنبِ عَ نَشَ كٍلِ عٍ شُن مَ، عَ مَن بَكِ كُنكُي كُي فِرِقٍ رَ نَاكِرِ مَ.

¹⁴عَ قْشِرَبِرّيٍ نُ بَرَ نّيمُ قَدٍ تَامِ ندٍ رَ عٍ شُن. تَامِ فُندِ كٍرٍن ثٍتِ نَن نُ نَ عٍ يِ رَ كُنكُي كُي.

¹⁵عِسَ نَشَ يِ مَتِنتِن عٍ رَ، «وٌ وٌ يّتّ رَتَنفَ قَرِ سّنِيٍ نُن هٍرٌدٍ شَ لّبِنِ مَ.»

¹⁶عٍ نَشَ سٌ وْيّنقٍ عٍ بٌرٍ بّ نَ قٍ مَ، عَ عَ نَ قَلَشِ نّ بَرِ مَ تَامِ مُ نَ عٍ يِ رَ.

¹⁷عِسَ تٌ عٍ شَ وْيّنيِ كٌلٌن، عَ نَشَ عَ مَسٍن عٍ بّ، «وٌ تَامِ قٍ قَلَمَ وٌ بٌرٍ بّ مُنقٍ رَ؟ هَن يَ وٌ مُ شَشِلِ سْتْ، وٌ مُ قٍ قَهَامُ؟ وٌ شَشِلِ مُ رَبِشِ؟

¹⁸يَ نَ وٌ بّ، كْنْ وٌ مُ سٍ تٌمَ. تُلِ نَ وٌ بّ، كْنْ وٌ مُ قٍ مّمَ. وٌ نّيمُشِ نّ؟

¹⁹ﭑ تَامِ فُندِ سُولِ عِتَشُن مِشِ وُلُ سُولِ مَ دّننَشّ، وٌ دٍبٍ يٍرِ رَقٍ تَامِ دْنشْي رَ؟» عٍ نَشَ عَ يَابِ، «قُ نُن قِرِن.»

²⁰«ﭑ مَن تٌ تَامِ فُندِ سٌلٌقٍرٍ عِتَشُن شّمّ وُلُ نَانِ مَ، وٌ دٍبٍ يٍرِ رَقٍ تَامِ دْنشْي رَ؟» عٍ نَشَ عَ يَابِ، «سٌلٌقٍرٍ.»

²¹عَ قَ عٍ مَشْرِن، «هَن يَ وٌ مُ قَهَامُي سْتْ؟»

²²عٍ تٌ سٌ بٍتٍسَيِدَ، مِشِيٍ نَشَ قَ دْنشُي ندٍ رَ عِسَ شْن، عٍ عَ مَيَندِ عَ شَ عَ بّلّشّ سَ عَ مَ.

²³عِسَ نَشَ دْنشُي بّلّشّ سُشُ، عَ مِنِ عَ رَ تَا قَرِ مَ. عَ نَشَ عَ دّيٍ سَ عَ يَ مَ، عَ عَ بّلّشّ سَ عَ مَ، عَ قَ عَ مَشْرِن، «عِ سٍ ندٍ تٌمَ؟»

²⁴دْنشُي نَشَ عَ يَ رَبِ، عَ قَ عَ قَلَ، «ﭑ بَرَ مِشِيٍ تٌ حّرّ رَ، كْنْ عٍ لُشِ عَلْ وُرِ بِلِيٍ.»

²⁵عِسَ مَن نَشَ عَ بّلّشّ سَ عَ يَ مَ. دْنشُي تٌ عَ يَ رَبِ سْنْن، عَ نُ بَرَ يَلَن، عَ سٍ بِرِن عِفبّمَ عَ قَنيِ رَ.

²⁶نَ تّمُي، عِسَ نَشَ عَ قَلَ عَ بّ، «فبِلٍن عِ شْنيِ كٍرٍن نَ، هَلِ عِ مُ سٌ تَا كُي.»