Lukas 12:48-57

⁴⁸Yxãn¹ta¹ a²sa³wi³sai²li² kwa³na³kxain¹jau³xa² kũ³we²ki²la² ã³ne³wxe²nxa³kxai²nãn²tu̱³ kãin² ĩ³wai¹txai¹nxa³lho³li¹. Jã¹nxe³jut3su² yen³kxa² kãin² ũ³hũ¹ain¹kxai²nãn²tu̱³ nxe³jah¹lo²kxai³lu² wã²nhũh¹si¹ja³kxa³nũ³su² kãin² ĩ³ye³kxi²tain¹tu¹wi¹. Je³su²jah³la²kxai³ ta¹hxai²hẽ¹la².

⁴⁹— Nxa²ha²kxai³ ha³lo²a² yxo²ha³kxa¹ heh³ni³kxi³kxa²yãx1 wxã³na¹hẽ³li¹. Wa³su³txi³ ã³si³wxe³na¹txai²lã¹.

⁵⁰Te²yã¹nxe³sxã³ ĩ̱³yau³xa² ũ³hũ̱¹kxi²sa²sai¹kxi³jut3sũ̱³nxe² ya³lu²na¹ju³ta² yũ³tu¹wi¹. Nxe³na¹ju³kxai³lu² ta³lun²kxi³sxa³ta̱³lxa¹ hxi²ka̱u³ka̱u³nha²te³lxa¹nhai¹.

⁵¹Jã¹nxa¹ju³kxai³lu² wxã³na¹ju³tan¹te²kxa³ya̱³lhu² a²nũ²a²nãu³xa² hãu²non³sxã³ yxau²xai³nyhu¹ah³lxi³ju³ta³nũ³a² yũ²nxa³lho³li¹. Nxe³to³ta¹ he¹kxi²nyhu¹ah³lxi³ju³ta³nũ³a² yũ³tu¹wi¹.

⁵²A²hĩn¹tãu³a² a²nũ²a² ha¹li¹ ha¹li¹ ka³na³ki¹ sxi²ha² sĩ³ka³na³ka³na³thĩ³na² a²yut3su² nyhu¹ain¹te²nãn²tu̱³ a²nũ²a² ha¹lin¹te²na² a²nũ²a² ã̱³xa² ha¹li¹ ka³na³ki¹ nxe³tũ̱³ka̱³txa² he¹kxi²nyhu¹ah³lxi³tu¹wi¹.

⁵³A²wĩ³na² a²ki³lha³lxa² ã³nhe¹kxi²nyhu¹ha²kxai³ a²hã³ka³na² a²ka³ne³lxa² ã³nhe¹kxi²nyhu¹ha²kxai³ a²hã̱i³na² a²sã³nxe³lxa² he¹kxi²nyhu¹ha²kxai³ nxe³nyhu¹ain¹tu¹wi¹. Je³su²jah³la² ta¹hxai²hẽ¹la².

⁵⁴Nxa²ha¹te¹ Je³su²jah³la²kxai³la¹ a²nũ²a²nãu³xa² ãh¹ ĩ³ye³kxi²te³nah¹lxi¹: — U³je³na² kan³tãu³a² o³sĩ̱³na² yũ³kxai²nãn²tu̱³ nxe³yah³lxin¹te³nah¹lxi¹: “Wẽ³ha²yau³xa² wxãn³tu¹wi¹.” Yxah³lxin¹jau³su² ha²kxai³ ya²la³tu̱³ wxã³ye¹nx2ti³tu¹wi¹.

⁵⁵Te²yã¹nxe³sxã³ u³je³na² ta³nãn³nãu³a² kãin² ik3kxai²nãn²tu̱³ nxe³yah³lxin¹te³nah¹lxi¹: “A³lan²khaix1tu¹nhẽ³tu¹wi¹.” Yxah³lxin¹jau³su² ha²kxai³ ya²la³tu̱³ wxã³ye¹nx2ti³tu¹wi¹.

⁵⁶Nxe³yah³lxin¹ju³kxai³lu² wi¹lhin¹ki³lxo³jah³lxi¹lxi¹. Yxãn¹ta¹ ko̱³nxe³thin¹khai¹yxah³lxi¹lxi¹. Ha³lo²ai²la³ ta̱³nxa² o³sĩ̱³nai²la³ ta̱³nxa² ye³khe¹yah³lxi¹lxi¹. Yxãn¹ta¹ Txa²wã¹sũ̱³na² wãn³txa² ã³ne³wxe³yah²lxa³lxi¹.

⁵⁷Wain³txi³ o²la³kxah³lxin¹ju³ta³nũ³a² hxi²kan¹txi³ ã³ya³jah¹lxan³kxai²lẽ¹.