لُكِ 12:48-57

⁴⁸كْنْ نَشَن مُ عَ مَرِفِ سَفٌ كٌلٌن، شَ عَ بَرَ قٍ رَبَ عَ لَنمَ عَ شَ بْنبْ نَشَن مَ، عَ مُ بْنبْي فبٍفبٍ سْتْمَ. عَ فبٍفبٍ بَرَ سٌ نَشَن يِ، عَ فبٍفبٍ مَن مَشْرِنمَ نّ عَ مَ. عَ فبٍفبٍ بَرَ تَشُ نَشَن نَ، نَ فبٍفبٍ مَن مَشْرِنمَ نّ عَ مَ، ندٍ مَن قَ سَ نَ شُن.»

⁴⁹«ﭑ قَشِ تّ نَن سَدٍ بْشِ مَ. عَ رَقَنمَ ﭑ مَ شَ عَ حَن بَرَ دّشّ!

⁵⁰قٌ ﭑ شَ تْورّ بٍلٍبٍلٍ سْتْ. ﭑ بْحّ مُ سَمَ قٌ نَ كَمَلِ تّمُي نَشّ.

⁵¹وٌ حْشْ عَ مَ عَ ﭑ قَشِ بْحّسَ نَن نَ دُنِحَ؟ عَدٍ، ﭑ قَشِ قَتَنيِ نَن نَ.

⁵²كٍلِ يِ وَشَتِ مَ، شَ مِشِ سُولِ نَ دٍنبَيَ كُي، فٍرٍ لُمَ مِشِ سَشَن نُن مِشِ قِرِن تَفِ.

⁵³بَبَ عَ شَ دِ شّمّ فٍرٍ مَ نّ، دِ شّمّ قَن عَ بَبَ فٍرٍ. نفَ عَ شَ دِ فِنّ فٍرٍ مَ نّ، دِ فِنّ قَن عَ نفَ فٍرٍ. مَمَ عَ شَ مَمَدِ فٍرٍ مَ نّ، مَمَدِ قَن عَ مَمَ فٍرٍ.»

⁵⁴عِسَ مَن نَشَ عَ قَلَ حَمَ بّ، «وٌ نَ نُشُي تٌ عَ مَلَن نَ سٌفٍفٌرٌدٍ، وٌ عَ قَلَمَ كٍرٍن نَ، ‹تُنّ نَن كٍلِشِ،› عَ قَ لِ نَ نَن مَن يَتِ رَبَمَ.

⁵⁵قٌيٍ نَ كٍلِ كْولَ مَ، وٌ عَ قَلَمَ، ‹كُيٍ عِقُرَ مَ نّ،› عَ قَ لِ نَ نَن مَن يَتِ رَبَمَ.

⁵⁶وٌ تَن قِلَنكَقُييٍ! وٌ قَتَ بْشِ نُن كٌورٍ حِنفِ كُي كٌلٌندٍ، كْنْ مُنقٍ رَ وٌ مُ قَتَ يِ وَشَتِ قٍيٍ تَن تَفِ رَبَدٍ؟»

⁵⁷«مُنقٍ رَ وٌ تَن يّتّ مُ قٍ مَتٌمَ، وٌ شَ عَ كٌلٌن نَشَن قِندِشِ تِنشِنيِ رَ؟