Luka 12:48-57

⁴⁸Tedae aka ming pawt loh a saii atah nganboh a yook ham tueng te a yool ni a boh eh. A yet a paek hlang boeih te tah a taengah a yet a toem pah vetih, muep a paek hlang taengah khaw muep a hoe pah ni.

⁴⁹Diklai dongah hmai pak hamla ka pawk coeng dongah, metla hlae oepsoeh cakhaw ka ngaih mai coeng.

⁵⁰Baptistma khaw nuem hamla ka om pueng tih, ka coeng hlan atah metlam nim n'nan ve.

⁵¹Diklai ah rhoepnah paek ham ka pawk tila na poek uh a? Moenih ta, nangmih taengah ka thui, paekboenah ham dae ni he.

⁵²Tahae lamkah longtah im pakhat ah panga la paek uh thae vetih, panit pathum, panit pathum ah om uh ni.

⁵³Pa neh capa, capa neh pa, manu neh canu, canu neh manu, mani neh a langa, langa neh mani paekboe uh ni,” a ti nah.

⁵⁴Te phoeiah hlangping te khaw, “Khotlak ah khomai a thoeng te na hmuh uh vaengah, 'Khonal ha pai ni,' pahoi na ti uh tih pai tangloeng van.

⁵⁵Tuithim a hli vaengah, “Kholing ha pai ni, “na ti uh tih pai tangloeng.

⁵⁶Hlangthai palat rhoek, diklai neh vaan kah maelhmai ke soepsoei ham na ming uh tih a tue he balae tih soepsoei ham na ming uh pawh.

⁵⁷Namamih ham khaw balae tih a dueng la lai na tloek uh pawh.