Luka 21:17-26

¹⁷Savora mrzana tumen zato kaj sen mungre.

¹⁸Ali či perela ni jek bal katar tumaro šoro.

¹⁹Tumare duše spasina pes zbog godova ako či odustanin.

²⁰A kana dićhena kaj e vojska opkolisardas o Jerusalim, askal džanen kaj avili paše e vrjama kaj avena opustošime.

²¹Okola save araćhenpes ande Judeja neka našen ande gore, thaj save si ando gav neka inkljen andar leste; a ni o kola save si ando polje neka či bolden pes ando gav:

²²Kaj ande godola đesa avela e Devlešći osveta te pherdol sa so ramol ando Sveto lil.

²³Jao e khamne manušnjenđe thaj okolenđe save den čuči ande okola đesa! Kaj avena e bare nevolje pe phuv, thaj o baro gnjevo pe akava them.

²⁴Perena katar e mačosći oštrica, thaj avena inđarde ando ropstvo pe sa o them. A o Jerusalim uštavela okolen kaj či džanen palo Del dok či pherdol e vrjama okolenđi save či džanen palo Del.

²⁵Pojavina pes e znakurja po kham thaj po čhonut thaj pe čereja. A e theme pe phuv astarela o očaj zbog e huka (zvuko) e morešći thaj e valonenđi.

²⁶O them merela e daratar thaj katar godova kaj ažućarena so avela pe akava them, kaj vi e sile e nebošće uzdrmina pes.