Luka 13:30-35

³⁰Ače, okola kolai akana prva tegani ka oven ko zadnjo than, a okola kolen akate dikhena sar zadnjonen adari ka oven najbare.”

³¹I tegani nesave fariseja ale koro Isus hem phende lese: “Dža akatar, adalese so o caro o Irod mangela te mudari tut.”

³²O Isus phenđa lenđe: “Džan hem vaćeren adala lisicaće: 'Ka ispudinav e demonen hem ka sasljarav avdive hem tejsa, a ko trito dive završinava.

³³Ali avdive, tejsa hem prektejsa valjani te džav mle dromeja, adalese so izgledini dai o Jerusalim than kote sa o proroci valjani te oven mudarde.

³⁴Jerusalime, Jerusalime, tu savo mudareja e prorokonen hem frdeja bara upro okolende kolen bičhalđa tumenđe o Devel! But puti mangljum te čedav te manušen sar i khani ple pilićken talo ple phaka, ali tumen na mangljen!

³⁵Ače, to čher ka ovel napustime! I vaćerava tumenđe da čače na ka dikhen man đikote na phenena: 'Blagoslovimei okova kova avela ano anav e Gospodesoro!'”