Lucas 13:30-35

³⁰Ne nzo chop tson goo kuu nataagt nal, gak nataak tsya; ne lee re goo kuu nataak nal, lee tsya gak goo zha nataagt.

³¹Ne lee chop tson fariseo mbig lo Jesús, ne nzhab: ―Broo nzhee ne tyee, tak lee rey Herodes nlaaz kutha.

³²Lee Jesús mkab ne nzhab: ―Gwa goo ne guz goo lo mbeeta: “Naltseree ne yee gon re mbi fyer, ne tegwen re mbyiz, ne lee wiz yelo luuzhʼn rtsin na”.

³³Per ndoblo ndaka na xnetʼn, naltseree yee ne wiz. Tak ndoblot gath thib profet ta nagt Jerusalén.

³⁴’¡Men Jerusalén, men Jerusalén, goo kuu nzhuth re profet ne nkee ke yek re zha kuu ntaal Diox lo goo! ¡Tyen welt ngwalazʼn gathopʼn re zhiinn goo, taxal nthop ngid re bich ngid xann xiil ngid, per mzhyalt goo!

³⁵Wii goo, lee ta nzo goo yaan wan; ne wlipaa na nin lo goo, bret raa goo wii goo na, asta leettsa tsin wiz kuu gab goo: “¡Kwathoz wen nak zha kuu ndyaad kon yalnabee chaan Zha Nabee!”