Luku 13:30-35

³⁰Koto ekina꞉ta꞉ ame do wetepena꞉ haleme wanda꞉hali mandaneta꞉ titina꞉ halimikie. Kutupa titina꞉ haleme wanda꞉halita꞉ wetepena꞉ halimikie leekeme.

³¹Koto dina꞉ kone mandane Pa꞉tisi haliwekima꞉ Yesu pa꞉ta꞉ a꞉pa alota꞉ Kini Hetodima꞉ neke luekema꞉ taapa꞉la꞉me. Neketa꞉ do da yu mina꞉pa꞉lao ota꞉ ame do kone pua꞉peke lemekeme.

³²Yesuma꞉ ika꞉ pi hombo peaaso alota꞉ Iki puata꞉ koto hande tikene kika pa꞉ta꞉ dupa lapa꞉peke. I̱ma꞉ta꞉ ameta꞉ mo hoke temokomanu tolu lia make yenimanu epeaasoma꞉ laata꞉ belia make kutupata꞉ tuneketa꞉ ya e paeyaalueke laa lapa꞉peke.

³³Koto pa꞉la꞉pate ame belia tuneketa꞉ ya pota꞉na꞉ pa yopu pitulueke. Pa ekipeke. Mo Koda꞉na꞉ potopede halita꞉ da ma꞉nda꞉ pa꞉ta꞉manu lita꞉la꞉ta꞉ ana꞉ na pa꞉la꞉pate pa Diutuseleme da tukiki pa꞉ta꞉ homeke ana꞉ pa꞉la꞉me leekeme.

³⁴Diutuseleme Diutuselemeo. A꞉ta꞉ tiekee. Nakana꞉ma꞉ta꞉ mo potopede haliwekita꞉ liki hau ombu peaata꞉ toopima꞉ lu homao haleme. I̱ma꞉ta꞉ ikita꞉ mo hande wanda꞉ koka꞉la꞉ma꞉ ipika꞉ ikiki sunu ipika꞉ popake itiki oto pa꞉ta꞉ mea momba꞉lao hala꞉ tupa꞉ I̱ma꞉ make koto tupa꞉ kone naka꞉ wekiwandiki ya kikima꞉ hapisa꞉ pu halopate nakana꞉ma꞉ kiao haleme.

³⁵Koto ekina꞉ta꞉ naka꞉ yeni pu haleme data꞉ mina꞉pa꞉laemeka꞉na꞉ta꞉ pa taake halieke. I̱ma꞉ neke pa꞉ta꞉ ota꞉ pi do la kitolo handa꞉e. Ame do ane kini pea pua nakana꞉ma꞉ I̱ pa꞉ta꞉ta꞉ Tekehalina꞉ biki mea ipula꞉ hali pa꞉ta꞉ Ta꞉na꞉e pi loluekema꞉ tiki tiki yao a̱i̱ na haeka꞉na꞉ta꞉ kota꞉ I̱ a̱i̱ na handilimikie alome leekeme.