LUKAŠ 23:30-35

³⁰Akor phenena le verchenge: ‘Peren pre amende!’ a le brehenge: ‘Učharen amen andre!’

³¹Bo te kada keren le saste stromoha, so kerena le šuke stromoha?”

³²A ľidžanas leha the duje živaňen, hoj len jekhetane leha te murdaren.

³³Sar avle pre oda than, so pes vičinel Lebka, ode les ukrižinde a leha the ole živaňen – jekhes pal e čači (pravo) a dujtones pal e baľogňi (ľavo) sera.

³⁴O Ježiš phenďa: “Dado, odmuk lenge, bo na džanen, so keren!” Paľis peske rozulade leskere gada a losinde vaše.

³⁵O manuša ačhenas a dikhenas. O Židovike vodci lestar asanas a phenenas: “Avren zachraňinelas! Mi zachraňinel pes korkoro, te ov hin o Mesijašis, oda avrikidlo le Devleskero!”