LEVITIKO 23:2-8

²“Israela taudia do oi hamaorodia, guriguri dina badadia haida lau gwauraia inai, lau dekenai do idia tomadiho henia dinadia:

³Dina 6 lalonai emui gaukara do umui karaia, to dina namba 7 be Sabati Dinana, ia be laga-ani dinana, hebou helagana dinana. Unai dina lalonai do umui gaukara lasi, ia be lau Lohiabada egu Sabati Dinana. Umui noho gabudia ibounai dekenai inai dina do umui naria.

⁴“Ma lau Lohiabada egu dina badadia be inai, bona inai guriguri hebou helagadia be edia nega korikori do umui karaia:

⁵“Aigupito dekenai Dirava ese umui ia hamauria dinana (Pasova) be do umui laloa bada. Lohiabada ena Pasova dinana hamatamaia negana be dina ia diho neganai, hua ginigunana ena dina namba 14. Pasova dinana be dina tamona sibona.

⁶Dina namba 15 neganai Hatubua Lasi Paraoa ena aria, Lohiabada ena, do umui karaia. Dina 7 lalonai mai hatubua gauna lasi paraoa sibona do umui ania.

⁷Inai dina 7 ena dina ginigunana be do umui hebou guriguri totona, bona emui gaukara ta do umui karaia lasi.

⁸Unai dina 7 lalonai boubou gaudia hegeregere aniani bona vamu be lau Lohiabada dekenai do umui henia. Dina namba 7 dekenai do umui hebou lou guriguri totona, bona unai dina lalonai emui gaukara ta do umui karaia lasi.”