LAASUUDEE 12:3-11

³Gurↄ beeea n ↄↄnↄ égↄ̃ lugaluga, n gbánↄ é koko, n pↄ́sobↄnↄ é kámma bo kɛ̀ aↄ̃ↄ pari dↄro yãnzi, n gugwabↄnↄ é guu e ń windo guu dãadãa.

⁴N lɛ́ égↄ̃ nakↄ̃ana gãalɛ, wísilↄgbɛ kĩi é busɛ kũnnɛ. Bãanↄ wiii é n vu iin, nↄkparɛnↄ lɛ̀ é kɛnnɛ busɛ.

⁵Nɛ́ vĩa kɛ gulezĩnɛ kↄ̃n lili'ona zɛ́ guuo, n mìkã é pura kũ lán desu vú bà. Nɛ́ n zĩnda gáɛ lán kwa táa'ona bà, pↄ́ke é n mɛ̀ fɛɛ dↄro, zaakɛ gbɛ̃ntee è gá a gákiiamɛ, ben ↄ́ↄdↄrinↄ ègↄ̃ lili oo gãalɛ.

⁶Ǹ tó n Kɛ̀ri yã gↄ̃ dↄngu ai n kondogi bà gↄ̃ gá kɛ̃, ai n vura taa gↄ̃ gá kpaato kũ, ai n í loo gↄ̃ gá wíwi, ai n lↄ̀gↄ googa gↄ̃ gá wí,

⁷ai n bùsuti gↄ̃ ɛara à gá gɛ̃ tↄↄtɛn, guu kɛ̀ à bↄ̀n, ai n ninii gↄ̃ gá tá Luda kɛ̀ kpàmmaa kiia.

⁸Ma laasuude ma bè: Yã pã búgubugu, à píngi pãmɛ.

⁹Beee gbɛra lán laasuudee pì ↄ̃ndↄ̃ nà, à dↄ̃na dàdańnɛ. À laasuu lɛ̀ à kpáɛ kɛ̀ yãzi, ben à yáasinↄ kɛ̀ pari.

¹⁰À kpáɛ kɛ̀ yã maaazi, ben à yã pìnↄ kɛ̃̀ a zɛ́a, bensↄ̃ yãpuramɛ.

¹¹Ɔ̃ndↄ̃dee yãnↄↄ dɛ lán gò kɛ̀ wè pↄ́kãdeenↄ zↄ̃o bàmɛ, aↄ̃ yã'onanↄↄ dɛ lán kuusa kɛ̀ wà pà gínginnↄ bà. Sãdãri mɛ̀n doo bé à yã pìnↄ dà.