LAASUNDE 8:3-9

³Ǹsun wã ǹ go a arɛro, ǹsun zɛ yã kũ àdi kɛnɛ vãni kpɛro, zaakũ yã kũ à kɛ̀nɛ nnan àdi kɛ pínki.

⁴Zaakũ kína yã mɛ́ à zɛ́ vĩ, dí mɛ́ ani fↄ̃ à pinɛ: Bↄ́n ntɛn kɛ gwee?

⁵Gbɛ̃ kũ à mìi nàtɛnɛ ni gɛ̃ yãnlo, gbɛ̃ kũ à ↄ̃ndↄ̃ ni a gↄrↄ kũ a kɛnaao dↄ̃.

⁶Yã sĩnda pínki a gↄrↄ kũ a kɛnaao vĩmɛ, bee tó yã'ũmmana tɛn tↄ̃ gbɛ̃a manamana.

⁷Zaakũ gbɛ̃ke zia dↄ̃ro, dí mɛ́ ani fↄ̃ à yã kũ ani su onɛɛ?

⁸Gbɛ̃ke a wɛ̃̀ndi kũna gbãna vĩro, lɛmɛ se gbɛ̃ke ni fↄ̃ à a gagↄrↄ sↄ̃sↄ̃ arɛro. Òdi le ò bò sozan zĩ̀i gũnlo, lɛmɛ dↄ yã vãni dì a kɛ̀rinↄ gbarɛro.

⁹Kũ ma yã kũ òtɛn kɛ andunia gũn laasun lɛ̀ pínki, ma è bisãsiri dì gbãna bleḿma à wari kpáńyĩ.