LAASUNDE 7:7-20

⁷Gbãna mↄna gbɛ̃nↄnɛɛ dì tó ↄ̃ndↄ̃ri yↄ̃nkↄ kũmɛ, gusarɛgba dì gbɛ̃ yakamɛ.

⁸Yã mìdɛna mana de a naanala, mɛna mana de ń zĩda binala.

⁹Ǹsun tó n pↄ fɛ̃ likalikaro, zaakũ yↄ̃nkↄ mɛ́ àdigↄ̃ pↄfɛ̃ vĩ.

¹⁰Ǹsun pi, bↄ́yãin yãgↄrↄ mana de tera pↄ́laro, zaakũ yãlana dí taka bi ↄ̃ndↄ̃yãnlo.

¹¹Ɔ̃ndↄ̃ bi pↄ́ manamɛ lán túbi bà, à àre vĩ gbɛ̃ kũ òtɛn ifãntɛ̃ enↄnɛ.

¹²Ɔ̃ndↄ̃ bi utɛkimɛ, lákũ ↄgↄ de utɛki ũ nà, ama dↄ̃na àreen dí: Ɔ̃ndↄ̃ dì gbɛ̃ kũ ò vĩnↄ sura ba.

¹³Ǹ laasun lɛ́ Luda yãkɛnanↄa. Dí mɛ́ ani fↄ̃ à pↄ́ kũ à kɛ̀ kotinaa dↄdↄↄ?

¹⁴Tó gↄrↄ nna sùmma, ǹ pↄnna kɛo. Tó gↄrↄ vãnimɛ sↄ̃, ǹ laasun lɛ́. Luda mɛ́ à a pínki kɛ̀, de gbɛ̃ke súngↄ̃ a zia dↄ̃ro yãi.

¹⁵Ma wɛ̃̀ndi kori dí gũn ma yã díkĩnanↄ è pínki. Ma gbɛ̃ mana è, à gà a manakɛnaa gũn, ma gbɛ̃ vãni è, àtɛn gì kɛ a yãvãnikɛnaa gũn.

¹⁶Ǹsun tó n manakɛna gɛ̃ ↄlaro, ǹsun tó n ↄ̃ndↄ̃ gɛ̃ ↄlaro. À kɛ̀ dera ĩni n zĩda kakatɛɛ?

¹⁷N vãni sún gɛ̃ ↄlaro, ǹsungↄ̃ yↄ̃nkↄ ũro. À kɛ̀ dera ĩni ga n gↄrↄ ãa?

¹⁸À mana ǹgↄ̃ yã mɛ̀n pla pìnↄ kũnamɛ, ǹsun ↄ gbarɛiro, zaakũ gbɛ̃ kũ à Luda vĩna vĩ dì a pla pìnↄ zɛ́ le pínkimɛ.

¹⁹Ɔ̃ndↄ̃ dì tó ↄ̃ndↄ̃ri gbãna gↄ̃ de wɛ́tɛ gbãnade gbɛ̃nↄn kurinↄla.

²⁰Gbɛ̃ mana kũ àdigↄ̃ yã mana kɛ kũ àdi durunna kɛro kú andunia gũnlo.