LAASUNDE 7:2-12

²Gɛ̃na ↄn kũ òtɛn gɛ̀ ↄ́ↄ dↄn mana de gɛ̃na ↄn kũ òtɛn dikpɛ kɛnla, zaakũ gbɛ̃ sĩnda pínki lakanaan gwe, à mana gbɛ̃ kũ ò kunnↄ yã pì da.

³Wɛ̃ndakɛna mana de yáadↄnala, pↄsirakɛnaa gbɛra nɛ̀sɛɛ dì were.

⁴Ɔ̃ndↄ̃ri laakarii dìgↄ̃ kú ↄn kũ òtɛn ↄ́ↄ dↄnwa, yↄ̃nkↄ laakarii dìgↄ̃ kú ↄn kũ òtɛn pↄnna kɛnwa.

⁵À mana ǹ ↄ̃ndↄ̃ri kpãkɛ̃nyĩna da de ǹ sã kpá yↄ̃nkↄ n tↄ́kpanala,

⁶zaakũ yↄ̃nkↄnↄ yáadↄna de lán sàkpa lí tɛ́pũtãna kĩnii gũn bàmɛ. Abirekũ pãmɛ dↄ.

⁷Gbãna mↄna gbɛ̃nↄnɛɛ dì tó ↄ̃ndↄ̃ri yↄ̃nkↄ kũmɛ, gusarɛgba dì gbɛ̃ yakamɛ.

⁸Yã mìdɛna mana de a naanala, mɛna mana de ń zĩda binala.

⁹Ǹsun tó n pↄ fɛ̃ likalikaro, zaakũ yↄ̃nkↄ mɛ́ àdigↄ̃ pↄfɛ̃ vĩ.

¹⁰Ǹsun pi, bↄ́yãin yãgↄrↄ mana de tera pↄ́laro, zaakũ yãlana dí taka bi ↄ̃ndↄ̃yãnlo.

¹¹Ɔ̃ndↄ̃ bi pↄ́ manamɛ lán túbi bà, à àre vĩ gbɛ̃ kũ òtɛn ifãntɛ̃ enↄnɛ.

¹²Ɔ̃ndↄ̃ bi utɛkimɛ, lákũ ↄgↄ de utɛki ũ nà, ama dↄ̃na àreen dí: Ɔ̃ndↄ̃ dì gbɛ̃ kũ ò vĩnↄ sura ba.