Kölfel 9:3-10

³Ekewe chon oputaei ra kulsefäl, lupwen ka waroto, ra turula o mäla.

⁴Ka apwüngala pwe üa pwüng, en ka mot won om lenien mot o eäni kapwüng fän pwüng.

⁵Ka apwüngü chon ekewe mwü, ka arosala ekewe aramasangau, esap wor eman epwe chüen chechemeniir tori feilfeilachök.

⁶Ekewe chon oputem ra feiengau o rosola. Ka ataela ar kewe telinimw pwe esap wor eman epwe chüen chechemeniir.

⁷Nge ewe Samol mi Lapalap a king tori feilfeilachök, a anüküchara an lenien motun king pwe epwe eäni kapwüng.

⁸Iwe, a apwüngü chon fanüfan fän pwüng, a apwüngü chon ekewe mwü fän wenechar.

⁹Ewe Samol mi Lapalap eu lenien op mi pöchökül fän iten ekewe mi riaföü, eu lenien manau lon fansoun riaföü.

¹⁰Chokewe mi silei en ra anomu ar apilükülük womw, pun en, ai Samol mi Lapalap, kosap kul seni chokewe mi feito reöm.