Kölfel 92:6-13

⁶Aramas mi tipate resap tongeni silei, nge ir mi tiparoch resap tongeni wewe ren:

⁷Inamwo are ekewe aramasangau ra mämäritä usun fetil, nge ekewe chon föföringau meinisin ra aümanau, repwe chök fetal ngeni feiengau esemüch.

⁸Nge en ai Samol mi Lapalap, ka tekia tori feilfeilachök.

⁹Ai Samol mi Lapalap, ellet ekewe chon oputom repwe rosola, nge ekewe chon föföringau meinisin repwe toropasfeil.

¹⁰En ka ngeniei pöchökül usun pöchökülen eman kow mi mwacho, ka epiti ngeniei lö mi fö.

¹¹Mesei ra küna usun än chon oputaei kuf, selingei ra rongorong usun feiengauen ekewe aramasangau mi ü ngeniei.

¹²Ekewe chon pwüng repwe aümanau usun ewe irä palm, repwe mämäritä usun efoch irä setar won Lepanon.

¹³Ra usun chök irä mi fotetiu lon imwen ewe Samol mi Lapalap, repwe aümanauatä me lon än ach we Kot we imwenfel.