SALMOS 92:6-13

⁶Nopa tlacame tlen huihuitique ax quimatij niyon ax quimachilíaj.

⁷Tlacame tlen fiero ininyolis motlalanaj huan mohueyichihuaj ica tlamantli tlen ax cuali, pero ax quimatij para teipa quintzontlamiltise huan ayoc quema motlalanase.

⁸Pero ta tiTOTECO, mitzhueyitlalijtose para nochipa pampa ta tiDios Tlen Más Hueyi.

⁹Xiquita nica itztoque mocualancaitacahua pero nojquiya nica tiquintzontlamiltis. Quena, TOTECO, nochi tlacame tlen quichihuaj tlen ax cuali, ta tiquinenpolos.

¹⁰Pero tinechmacas na chicahualistli queja se toro tlen nemi cuatitla. Huan sampa tinechaltis ica moaceite tlen temaca yancuic chicahualistli.

¹¹Niquitas quejatza tiquintzontlamiltis nocualancaitacahua. Huan nijcaquis quejatza quintzontlamiltise nopa tlaixpanoca tlacame tlen motlanantoque ica na.

¹²Pero tlen itztoque xitlahuaque iixtla Toteco quipiyase chicahualistli. Inijuanti yejyectzitzi queja ixochiyo apach cuahuitl. Mohueyichihuase queja nopa tiocuatini tlen onca ipan tlali Líbano.

¹³Tlacame tlen cuajcualme quipiyase chicahualistli queja cuatini tlen quintoctoque ipan ichaj TOTECO, huan Toteco Dios yajaya quinmocuitlahuis.