Kölfel 90:1-5

¹Eu iotek än Moses ewe aramasen Kot. Ai Samol en äm lenien op seni eu täppin aramas tori eu täppin.

²Mwen ekewe chuk resamwo fis, pwal mwen kosamwo föri unusen fanüfan en chök Kot seni fansoun esepop tori fansoun esemüch.

³Ka awili aramas ngeni pwül o üra, “Ämi nöün aramas, oupwe liwinsefäliti pwül.”

⁴Pun engeröü ier ra usun chök eu rän me reöm, ra usun chök ewe rän näneu a fen la, ika usun chök eu leülüngatin eu pwin.

⁵En ka angekaiela manauen aramas usun müttirin puun eu chanpupu. Ra usun chök eu tan mi müttir manlüküla, ra pwal usun chök fetil mi märifötä lesosor.