Buka Linge 90:1-5

¹Nina kokoeliulivuti Moses, nina tinoni God. Lord, Ighoe na valemami haia, te hau mai tua.

²I naghona to gonighi na lei ghotu, po gonia na pari mana maramana ighoe to God haia tua.

³Ighoe to bosa vanighai ge kai oli tana hava tai va butu mai ga, mo riu olighai tana pughu ni pari.

⁴Na togha ni niulu te vaghaa sakai na bongi vamua itamua, E vaghara i bongi vamua, te tona padi tua me vaghaa na bona ni aho kukulu tana bongi.

⁵Ighoe to lavikehaghai vaghaa na tave ni beti te mua kabu hau, Tai vaghaa na buburu te suaka dato mai tana roropo.