Kölfel 86:9-17

⁹Chon ekewe mwü meinisin ka föriir repwe feito o fel ngonuk, ai Samol mi Lapalap, repwe pwal alinga itom.

¹⁰Pun en ka tekia, ka föri mettoch mi amwarar, en echök Kot.

¹¹Ai Samol mi Lapalap, kopwe aiti ngeniei mine ka mochen pwe üpwe föri. Iwe, üpwe aleasochis ngonuk fän allükülük. Kopwe fang ngeniei eu leluk esap tipekinikin, pwe üpwe niuokusiti itom.

¹²Ai Samol me ai Kot, üpwe kilisou ngonuk ren unusen lelukei, üpwe alinga itom tori feilfeilachök.

¹³Pun om we tong ellet a fokun lapalap ngeniei, ka amanauaei seni epin lenien sotup.

¹⁴Ai Kot, aramas mi lamalamtekia ra ü ngeniei, eu mwichen mwänewüs ra mochen nieila, ir chokewe resap ekieki en.

¹⁵Nge en, ai Samol, eman Kot mi ümöümöch o kirikiröch, ka songomang o wöün tong ellet me allükülük.

¹⁶Kopwe sap ngeniei o tongeei, kopwe ngeni noum ei chon angang pöchökül o amanaua nöün noum we chon angang fefin mwän.

¹⁷Kopwe pwäri ngeniei eu asisil pwe ka kirikiröch ngeniei, pwe chokewe mi oputaei repwe säw, lupwen repwe küna pwe en ai Samol mi Lapalap ka alisiei o achipaei.