Womusu 86:9-17

⁹Bwese ni ɑ tɑkɑ kuɑ kpuro nu koo nɑ nu yiirɑ wunɛn wuswɑɑɔ, kpɑ nu wunɛn yĩsiru bɛɛrɛ wɛ̃.

¹⁰Domi ɑ kpɑ̃, ɑ rɑ mɑɑ sɔm mɑɑmɑɑkiɡinu ko. Wunɛ turowɑ ɑ sɑ̃ɑ Gusunɔ.

¹¹Yinni Gusunɔ, ɑ mɑn wunɛn swɛɛ sɔ̃ɔsio, kpɑ n wɑ n sĩ wunɛn ɡem sɔɔ. A de n wunɛn yĩsiru nɑsiɑ.

¹²Gusunɔ nɛn Yinni, kon nun siɑrɑ kɑ nɛn ɡɔ̃ru kpuro, kpɑ n nun bɛɛrɛ wɛ̃ sere kɑ bɑɑdommɑɔ.

¹³Domi ɑ mɑn durom bɑkɑm kuɑ, ɑ mɑn yɑrɑ ɡɔribun wɑ̃ɑ yerun sɔɔ sɔɔn di.

¹⁴Yinni Gusunɔ, tii suobu bɑ mɑn seesi. Tɔn kɔ̃sobu bɑ kĩ bu mɑn hunde wunɑ, be, bèn bwisikunu ku rɑ n wɑ̃ɑ wunɛn mi ɡiɑ.

¹⁵Adɑmɑ wunɛ Gusunɔ, ɑ sɑ̃ɑwɑ Yinni wɔnwɔnduɡii. A ku rɑ mɔru se fuuku. Wunɛn kĩru tɑ kpɑ̃. A mɑɑ sɑ̃ɑwɑ bɔrɔkini.

¹⁶A mɑn mɛɛrimɑ kpɑ ɑ nɛn wɔnwɔndu wɑ. A nɛ, wunɛn sɔm kowo dɑm kɛ̃ɛyɔ, kpɑ ɑ mɑn fɑɑbɑ ko nɛ, wunɛn sɔm kowon bii.

¹⁷Yinni Gusunɔ, ɑ mɑn yĩreru sɔ̃ɔsio te tɑ koo mɑn koorɑ, kpɑ ɑ de nɛn yibɛrɛbɑ bu ye wɑ kpɑ sekuru tu bu mwɑ. Domi wunɑ ɑ rɑ mɑn fɑɑbɑ ko, kpɑ ɑ mɑn nukuru yɛmiɑsiɑ.