Kölfel 83:5-15

⁵Ewer, ra tipeeufengen le rawangau. Ra föri eu pwonen atipeeufengen pwe repwe ü ngonuk.

⁶Ekewe chon Etom me ekewe mwirimwirin Ismael, ekewe chon Moap me ekewe mwirimwirin Hakar,

⁷ekewe chon Kepal, chon Amon me chon Amalek, ekewe chon Filistia me chokewe mi imweimw lon ewe telinimw Tirus,

⁸pwal ekewe chon Asiria ra choniir. Ir meinisin ra alisi ekewe mwirimwirin Lot.

⁹Kopwe föri ngeniir usun mine ka föri ngeni chon Mitian, usun mine ka föri ngeni Sisera me Japin arun ewe chanpupu Kison.

¹⁰Ir ra ninnila me Entor, inisir a usun chök kiten mongö won pwül.

¹¹Kopwe föri ngeni ar kewe aramas tekia pwe repwe usun chök Orep me Seep, nge ar kewe samol meinisin repwe usun chök Sepa me Salmuna,

¹²ir chokewe mi apasa, “Ousipwe angei fän itach ekewe fanüen Kot pwe sipwe fanüeni.”

¹³Ai Kot, kopwe föri pwe repwe usun chök pipisüsü, pwal usun chök fetilipwas asepwäl a ässala.

¹⁴Usun ekkei a kenala ewe wöllap, usun ngetengeten ekkei a akkara ekewe chuk,

¹⁵iei usun kopwe tapweriir ren om asepwäl mi pöchökül o eniwokusuur ren om mölümöl.