Pesalem 83:5-15

⁵Biŋŋanôgoc, êsêacnêŋ ŋalêlôm tageŋ ma sêmoatiŋ nêŋ biŋ e gacgeŋ gêc-gêcgeŋ, sêmoatiŋ poac gebe senseŋ aôm su.

⁶Lau taŋ sêŋgôŋ Edom to Ismaelwaga nêŋ bec lau Moab to lau Hagar amboac tonaŋ.

⁷Lau Gebal to Amon ma Amalek, lau Pilisti to lau Tirusŋa amboac tonaŋgeŋ.

⁸Lau Asuriaŋa sêsap lau tônê ŋai tôŋ. Lau tonaŋ ŋai sêpuc Lotnê latui tôŋ.

⁹Onseŋ êsêac êtôm gêmuŋgeŋ goseŋ Midian ma êtôm goseŋ Sisera to Jabin aŋga bu Kison.

¹⁰Lau tonaŋ ŋai sêjaŋa aŋga Endor ma nêŋ ŋawêlêlaŋ gêmôb gêc nom.

¹¹Onseŋ êsêacnêŋ kasêga êtôm goseŋ Oreb ma Seb. Onseŋ êsêacnêŋ lau towae samob êtôm Seba agêc Salmuna.

¹²Lau tonaŋ ŋai tec sêjac aweŋ gebe “Aêac tajaŋgo Anôtônê gamêŋ su.”

¹³O ŋoc Anôtô, onseŋ êsêac êtôm mu kêlai kekop jagêŋgôŋ gêŋ êndu ma êtôm mu kelelo jataê.

¹⁴Onseŋ êsêac êtôm ja geŋ oba ma êtôm jawaô kêdaŋgac kêpi lôc.

¹⁵Nêm gamêŋ kêlaŋgaŋ êtakê êsêac ma nêm mu-gêbuc êpuc soc êsêac amboac tonaŋ.