Kölfel 81:2-8

²Oupwe chietä echö köl, oupwe ettiki pisekin kaktai, oupwe ettiki ükülele me kitar.

³Oupwe ettiki rappwa lelingen maram me leunusen maram, pwal lupwen ach ränin chulap.

⁴Pun iei eu allük lon Israel, eu pwüüng seni än Jakop we Kot.

⁵Kot a anükücharala ei allük ngeni chon Israel, lupwen a feila pwe epwe maun ngeni Isip. Üa rongorong eu möngüngü üsamwo rong me mwan:

⁶“Üa angei seni afaremi ewe mettoch mi chou, üa atowu me lepöümi ewe chüük mi chou ren pilak.

⁷Oua köriei lon ämi riaföü, nge ngang üa angasakemi. Üa pälüenikemi seni ewe kuchuen chopulap, nge ousap künaei, üa sotunikemi arun ekewe kolukun Meripa.

⁸Ämi nei aramas, oupwe rongorong ngeni ai kapasen fön. Ämi chon Israel, amwo oupwe aüselingaei.