Kölfel 7:10-16

¹⁰Kot a tümwünüei, a amanaua chokewe mi aleasochisi i.

¹¹Kot eman soukapwüng mi pwüng, eman Kot mi apwüngü ekewe aramasangau fansoun meinisin.

¹²Are eman aramas esap mochen ekieksefäl, Kot epwe seimi nöün ketilas, epwe emeia an likapich o änna ngeni.

¹³A amolätä an pisekin maun mi afeiengau, pwal wokun föün esefich mi ngetenget.

¹⁴Nengeni, ekewe aramasangau ra chök ekiekietä mine a ngau, ra chök föri föför esepwüng o eäni kapas chofana.

¹⁵Iwe, ra tuw pwang pwe aramas repwe tup lon, nge ra püsin turulong lon.

¹⁶Ar föför esepwüng epwe püsin ukur chök, nge liwinin ar föförün mwäneson epwe püsin küür.