Pesalem 7:10-16

¹⁰Anôtô kêkam aêŋoc lautuc ŋagabiŋ. Eŋ gêjam lau, taŋ taêŋ gêjam biŋgêdêŋ naŋ sa.

¹¹Anôtô kêmêtôc biŋ jagêdêŋ ma Anôtô tonaŋ kêkêŋ ŋagêjô kêtôm bêcgeŋ.

¹²Ŋac teŋ embe ênam tau ôkwi atom, oc Apômtau êuc nê siŋ ŋamata êsa êtu eŋŋa. Eŋ êkêkam nê sôb êkanôŋ eŋ.

¹³Eŋ êkêŋ nê sôb-enseŋ-lauŋa nadiŋgeŋ eŋ to ênam jalana tamiŋ nê sôb.

¹⁴Alicgac me, biŋ alôb-alôb gêjam ŋac sec auc. Eŋ taê gêŋ wapacŋa. Ma embe êkôc, oc talic gêŋ tau gebe biŋdansaŋ.

¹⁵Eŋ kêkwê sê e ŋalêlôm gêjac tau Jaê, mago tau oc nau tau êsêp nê gêŋ, taŋ kêkwê naŋ.

¹⁶Gêŋwapac taŋ taê gêjam naŋ, oc êŋgôndiŋ eŋ tau, ma nê gêŋ alôb-alôb oc êtap eŋ tau môkêdaŋgam sa.