Kölfel 76:4-12

⁴En ka fokun ling o tekia, lupwen ka liwinto seni ekewe chuk, ia ka akufu chon oputom me ie.

⁵Ekewe sounfiu mi pwora a oo seniir liaper, ra turula o möürüfoch. Ekewe chon maun meinisin esap wor ar pöchökül.

⁶Ai Kot än Jakop we Kot, ren om apwüngü ekewe chon wawa oris me ekewe oris ra turula o mäla.

⁷Nge en echök, ai Samol mi Lapalap, aramas repwe niuokusituk. Iö a tongeni ü me mwom, lupwen ka song?

⁸Ka eäni kapwüng seni won läng. Iwe, fanüfan a niuokus o fanafanala,

⁹lupwen ka ütä pwe kopwe atowu pwüngün kapwüng o amanaua ekewe mi nom lon riaföü meinisin won fanüfan.

¹⁰Ellet, än ekewe aramas lingeringer iei fen om ling. Nge lusun ewe lingeringer kopwe chök efitti ngonuk.

¹¹Kopwe eäni om kewe pwon ngeni ewe Samol mi Lapalap om we Kot o apwönüretä. Chon ekewe fanü mi nom ünükün repwe uwato lifang ngeni Kot, ewe Kot aramas ra niuokusiti.

¹²I a atekisona ekewe samol mi lamalamtekia, ekewe kingen fanüfan ra niuokusiti.