Kölfel 55:15-22

¹⁵Amwo mäla epwe müttir tori ekewe chon oputaei, amwo repwe feilmanauetiu lon lenien sotup. Pun ngau a nom lon lenier pwal lon leluker.

¹⁶Nge ngang üa siö ngeni Kot. Iwe, ewe Samol mi Lapalap epwe amanauaei.

¹⁷Lekuniol me lesosor pwal leoloas üa apasätä ai kewe weires o ngüngü. Iwe, Kot epwe rongorong mweliei.

¹⁸Epwe angasa manauei, pwe üpwe tongeni liwiniti fän kinamwe seni ewe maun üa eäni, inamwo ika chomong aramas ra ü ngeniei.

¹⁹Kot ewe mi mot won an lenien motun king seni me lomlom epwe aüselingaei o akufuur, pun resap mochen siwili ar föför, resap pwal niuokusiti Kot.

²⁰Chienei we me lom a fiu ngeni chiechian o ataela an we pwon.

²¹An fos a mwotoutou seni pwötö, nge ekiekin maun a nom lon lelukan. An kewe kapas ra pwetete seni lö, nge ra ken usun chök kenin ekewe ketilas.

²²Kopwe monätä won ewe Samol mi Lapalap om weires, pwe i epwe tümwünuk. Esap fokun mwütätä pwe ewe chon pwüng epwe kuf.