Kölfel 48:3-10

³Kot a nom lon ekewe imwen king. A pwärätä pwe i ewe lenien op mi pöchökül.

⁴Ekewe king ra mwichefengen, ra mwinepöküto le feito pwe repwe maun ngeni ewe telinimw.

⁵Nge lon ewe otun, lupwen ra küna ewe telinimw, ra weitifengeniir, ra niuokus o süla.

⁶Ikenan niuokus a toriir, cheuch a cheriir usun eman fefin a tori an cheuchen famw.

⁷Ka aroserela usun asepwälin ötiu a ataela ekewe sipen Tarsis.

⁸Usun mine sa rongorong, iei usun sa pwal küna me lon ewe telinimwen ewe Samol mi Unusen Manaman, me lon ewe telinimwen ach Kot. I a anüküchara ewe telinimw tori feilfeilachök.

⁹Ai Kot, äm aia ekieki usun om we tong ellet me lon ewe imwenfel.

¹⁰Ai Kot, usun aramas won unusen fanüfan ra silei itom, iei usun ra pwal mwareituk. Ka nemenem fän pwüng.