A Umana Kakailai 48:3-10

³God i vaarike mule ta diat dia ki ta ra lavur pal na luluai tana, ba ia iat a dekdek na pal na bakbakit.

⁴Ea, tago ra umana king dia vana varurung, Dia tar bolo lake varurung.

⁵Dia gire, ma dia kaian tuna; I bilua ra nuknuk i diat ma dia kavie ra nilop.

⁶A nidadar i tadav diat ie; A kinadik da i tadav ra vavina ba i kakava.

⁷U pamapamar ra umana parau maro Tarsis Ma ra vuvu na taubar.

⁸Da ave valongore, damana ave tar gire Ta ra pia na pal kai ra Luluai kai ra lavur kor, ta ra pia na pal kai kada God; God na vatur vapadikat ia, ma pa na mutu. Sela.

⁹God, ave tar nuk pa kaum varmari, Livuan ta kaum pal i gomgom.

¹⁰God, da ra iangim i tuk tar ta ra mutuai ra rakarakan a gunagunan, Damana bula ra pite varpa tadav u; A limam tuna i takodo kakit.