Kölfel 21:3-13

³Pun ka etiwa i ren feiöch mi chomong, ka pwal isetä won möküran epa mwärämwär seni kolt mi mürina.

⁴A tüngor manau me reöm, nge en ka fang ngeni, ka alangatama ränin manauan tori feilfeilachök.

⁵An ling a lapalap, pun ka alisi pwe a win. Ka awora ngeni iteüöch me iteföüla.

⁶Ewer, ka fokun afeiöchü ren feiöch esemüch, ka apwapwai ren om nonom ren.

⁷Pun ewe king a anomu an apilükülük won ewe Samol mi Lapalap, nge ren än Ewe mi Unusen Tekia tong ellet esap tongeni mwökütüküt.

⁸Ewe king epwe liapeni chon pälüeni meinisin, epwe liapeni chokewe mi oput i.

⁹Lupwen epwe wareto, epwe aroserela usun eu ekkei a kenala mettoch. Ewe Samol mi Lapalap epwe ärirela lon an lingeringer, nge ekkei epwe fisirela.

¹⁰Epwe arosala mwirimwirir seni won fanüfan, pwe esap wor eman epwe chüen manau.

¹¹Ra ekiekietä ar repwe föri mi ngau ngeni o rawangauei, nge esap fokun tongeni pwönüetä.

¹²Epwe emeia an likapich o änna ngeniir pwe repwe kul o süla.

¹³Äm Samol mi Lapalap, aipwe ingemwareiti om pöchökül mi watte. Äm aipwe kölü o mwareiti om manaman.