Kölfel 139:14-23

¹⁴Üa mwareituk, pokiten a amairü o amwarar om föri ei. Om kewe föför ra amwarar. Üa fokun sileöchü ei.

¹⁵Chün inisi resap mon senuk, lupwen üa för lemonomon o kachufengen lon ekewe leni mi alolol lon fanüfan.

¹⁶En ka fen künaei, lupwen esamwo wor uluuli. Iteiten ränin manauei meinisin, ka awora fän itei, ra fen mak lon noum puk mwen ar resamwo fis.

¹⁷Ai Samol mi Lapalap, om kewe ekiek ra fokun aüchea ngeniei. Ra kon fokun chomong.

¹⁸Ika ngang üpwe aleaniir, repwe chomong seni föün pi. Lupwen üa pwök, üa chüen nom reöm.

¹⁹Ai Kot, amwo kopwe niela ekewe aramasangau. Amwo ekewe mwän mi nimanauei aramas repwe sü seniei.

²⁰Ir ekewe mi kapasingau usum, ekewe chon oputom ra föünimwäli itom.

²¹Ai Samol mi Lapalap, üa fokun oput chokewe mi oputok. Üa fokun nou chokewe mi ü ngonuk.

²²Üa fokun oput ir o aleanirelong lein chon oputaei.

²³Ai Kot, kopwe atittinaei o silei letipei. Kopwe sotuniei o silei ai ekiek.