38Kopwe apwönüetä om pwon ngeniei ngang noum chon angang, ewe pwon ka eäni ngeni chokewe mi niuokusituk.
39Kopwe angei seniei ewe itengau üa niuokusiti, pun om kewe pwüüng ra mürina.
40Üa fokun positi om kewe kapasen öüröür. Kopwe amanauaei, pun en ka pwüng.
41Ai Samol mi Lapalap, kopwe pwäri ngeniei om tong ellet, kopwe amanauaei usun ka fen pwon.
42Mürin üpwe tongeni pälüeni chokewe mi ämängauaei, pun üa lükü om kapas.
43Kopwe atufichiei pwe üpwe apasawu kapas mi let fansoun meinisin, pun ai apilükülük a nom won om kewe pwüüng.