38Mu tay u gil’ e n’en nim micheg ngog, I gag e tapigpig rom, ni fare michmich ni mu tay ko pi’in yad ma fol rom.
39Mu ayuwegneg ko thin ni kireb ni gu ma rus ngay; rib fel’ e pin’en ni ka mu tiriggiliy.
40Gu ba’adag ni nggu fol ko tin kamog ni ngan rin’; mu pi’ e yafos nib be’ech ngog, ni fan e gab mat’aw.
41SOMOL, mu dag ngog gelngin ni gub t’uf rom, ma ga aywegeg nrogon nim micheg.
42Ma aram e rayag ni nggu fulweg lungun e pi’in yad be gar nigeg ni bochan e bpagan’ug ko thin rom.
43Mu pi’ gelngig ni tin riyul’ e ngi i yib u langag ni gubin ngiyal’, ni bochan e be lagan’ug ko tin ka mu tiriggiliy.