22Pero nen innata que e Dios axin uyajqꞌuet tunor lo que iꞌxin acꞌajti tacar, che e Marta.
23Y che e Jesús: —Awijtzꞌin cꞌani asutpa abꞌixcꞌa, che e Jesús.
24Y che e Marta: —Nen innata que axin asutpa abꞌixcꞌa, pero este que acꞌotoy e día conda asujta abꞌixqꞌuesnobꞌ tunor e gente tama ucꞌapesnibꞌir tunor era, che e Marta.
25Y che e Jesús: —Jax nen xeꞌ tuaꞌ insuti imbꞌixqꞌues tunor tin e chamenobꞌ. Y jax nen ubꞌan xeꞌ inwajcꞌu e cuxtar xeꞌ machi tuaꞌ acꞌapa. Y tunor tin e acꞌupseyanobꞌ tamaren motor que axin achamayobꞌ pero nen cꞌani insuti imbꞌixqꞌuesobꞌ otronyajr.