22Huan masque ya mictoc, nijmati Toteco mitzchihuilis nochi catli tijtlajtlanis.
23Huan Jesús quiilhui: ―Moicni sempa moyolcuis.
24Huan Marta quiijto: ―Quena, nijmati moyolcuis sempa quema nochi mijcatzitzi moyolcuise ipan itlamiya tonali.
25Huan Jesús quiilhui Marta: ―Na catli niquinyolcui masehualme catli mictoque huan sempa niquinmaca nemilistli. Masque miquis itlacayo se catli nechneltoca, quipiyas nemilistli yancuic para nochipa.