22sac naṉ naa, grëtaa ncuaaṉe rnab luu lo Dios, ruṉ me miṉe rnab luu.
23―Peet tsienied guic luu ―rëb Jesús―, ible zrieeban bzian luu.
24Pquiab Mart, rëb Mart: ―Nliw, naṉpaa naa ible zrieeban me gaḻ dze ne laa guidzliu rii nitlo, zeeṉe grëse meṉgut, laa zho grieeban.
25Dzigo rëb Jesús: ―Naa nac meṉ ne rbeeban grë meṉgut, ni naa nac meṉ ne rdeed guieḻmban lo grë miech. Grëse zha ne dib zdoo gliladz naa, niicle guet zho zig ret grëraa miech rii, zdziṉ dze ne gban zho stib.
JUAN 11
JUAN 11:22-25